CUI CHE O SIN "Lis fotografiis a son la nestre memorie tal timp, cuant che i nestris ricuarts a scomencin a pierdisi vie tal timp che al passe." - Silvana Stremiz - Il Studi Fotografic IMMAGINI al è nassût tal 1997 a Sant Danêl dal Friûl e tal 2000 al è stât screât ancje il Studi di Majan. I doi studis a son il risultât de amicizie e de passion pe fogotgrafie di Fabio e Patrizio che, dopo il diplome alì dal Istitût Statâl d’Art Sello in fotografie e Grafiche publicitarie, e dopo cualchi an di gavete a decidin di pontâ su lôr stes. A distance di cuasi vincj agns di ativitât, il studi al è par sigûr un dai plui furnîts e complets pai passionâts di fotografie e no dome.
Dal 2005, cui doi socis e colabore ancje Laura, fotografe di Grau, une vore solâr e atente, che cu la sô sensibilitât e rive a garantî une rifinidure dute feminine che ae dite no pues par sigûr mancjâ.